pdf “ЮЛДУЗЛАР МАНГУ ЁНАДИ” ҚИССАСИДА МИЛЛИЙ ҚАДРИЯТЛАР ТАЛҚИНИ Популярные

Алижон Эсанов

Респ. Узбекистан Сурхандариньская область, город Термез

Обиджон Шофиев

Респ. Узбекистан Сурхандариньская область, город Термез

Қаҳрамон Раимов

Респ. Узбекистан Сурхандариньская область, город Термез

70-80-йилларда ўзбек адабиётида бир қатор ижодкорлар кириб келди. Улар орасида Тоғай Мурод алоҳида ажралиб туради. У ўзининг услуби, йўли, овозига эга бўлган ёзувчидир. Тоғай Мурод адабиётимизга янги образлар, янги оҳанглар олиб кирди у 1948 – йили Сурхондарё вилоятининг Денов туманида туғилди. 1972 йил ТошДУ (Ҳозирги ЎзМУ)нинг журналистика факультетини тамомлаган бўлажак адиб, ўзининг иш фаолиятини республика радиосидан бошлади. 1976-йилдан бошлаб “Ўзбекистон физкультурачиси” газетасида, 1982-йилдан “Фан ва турмуш” журналида хизмат қилди. Илмга чанқоқ Тоғай Мурод 1985-1987 йилларда Москвадаги Жаҳон адабиёти институтида ўқиб келди. 1976 – йили яратилган “Юлдузлар мангу ёнади” номли илк қиссаси билан кўплаб китобхонлар, адабиётшунослар эътиборига тушди. У ўз устида тинмай ишлади. Ҳар бир асарини яратиш учун, ҳаққоний чиқиши учун изланди. У ўзининг бетакрор, сара қиссалари, романлари, ҳикоялари, таржималари билан ўзбек адабиётини, шубҳасиз бойитди. Бу асарлар адабиётимизда ўз тили, ўз йўли, ўз услубини яратган катта истеъдод ёзувчи бор эканлигидан далолат беради.